Euskal Herri osoko jokalariez osatutako euskal selekzioak txapelketa ofizialetan jokatzearen alde dago gehiengoa
Euskal herritarren gehiengo zabalaren iritziz (%64 alde, %21 aurka), hiru administrazio eremuetako jokalariek osatutako Euskal Futbol Selekzioak nazioarteko txapelketa ofizialak jokatzeko aukera eduki beharko luke. %72aren iritzian jokalariek eurek erabaki ahal izanbehar lukete zein selekziorekin jokatu, Euskal Selekzioarekin edo Espainiako/Frantziako Selekzioarekin.
Zure ustez, hiru administrazio eremuetako (Euskal Hirigune Elkargoa, Euskal Autonomia Erkidegoa eta Nafarroako Foru Komunitatea) jokalariek osatutako Euskal Futbol Selekzioak nazioarteko txapelketa ofizialak jokatzeko aukera eduki beharko luke?
Bai %63.5
Ez %20.6
Ez dakit %15.5
Beste bat %0.4
Euskal/Nafar jokalariek horrela nahiko balute, eskubidea eduki beharko lukete erabakitzeko Euskal Selekzioarekin edo Espainiko/Frantziako Selekzioarekin jokatzea?
Ekainaren 26an euskal selekzioen ofizialtasuna aldarrikatuko du GU ERE BAI! euskal kirolaren inguruko ekimenak Bilbon antolatuko duen egun osoko egitarauan.
2020ko martxoan, San Mamesen aurkeztu genuen manifestua eta gure ekimena. Euskal kirola eta euskal selekzioen ofizialtasuna aldarrikatzeari ekin diogu tarte honetan, zailtasun guztiak gainditu eta herri honen eskaerari itxura emanez.
Herri bat garela aldarrikatu dugu azken kirol jardunaldi garrantzitsu guztietan, eta orain euskal jendartean -eta zer esanik ez euskal kirolarien artean- nagusi den eskaera Euskal Herritik mundura! eraman nahi dugu.
Euskal Selekzioen ofizialtasuna aldarrikatzeko eguna antolatu du Gu ere bai! kirol ekimenak ekainaren 26an Bilbon
Egun osoko egitarauan zazpi ekitaldi nagusi antolatu ditu, Euskal Herritik mundura! lemapean.
Euskal selekzioen ofizialtasuna aldarrikatzeko eguna izango da ekainaren 26a (larunbata). Goizean goiz hasita eta arratsalderako kirol eta kultur ekitaldi ezberdinak antolatu ditu Gu ere bai! Euskal kirola sustatzeko ekimenak.
Zazpi ekitaldi nagusi
Goizeko 10etan Mendi martxa bat abiatuko da San Mames zelaiaren kanpokaldetik. Bilbo inguruko lau orduko ibilbidea izango da, eta bazkalordurako, Arriaga inguruko gune nagusira helduko dira mendizaleak.
Ordu berean, 70 km inguruko bizikleta itzuli bat aterako da leku beretik. Txirrindulariak Balmasedara joan etorri bat egingo dute, euskal kirolen ofizialtasuna errepidean aldarrikatuz.
Bilboko Areatzaraino helduko da Euskal selekzioen aldekoitsas martxa ere, ur kirolariek gauzatua: arrauna, kayak, surf, sup, igerilariak….
Eguerdiko 12:00etan Arriaga antzokiaren aldamenean egongo den eskenatokian Hitzaren kirol nazionala ekitaldia hasiko da. Amets Arzallus, Oihana Bartra, Unai Iturriaga eta Jone Uria bertsolariek saioa eskainiko dute. Hizkuntza eta doinua, neurriak eta errimak hizkuntzaren kirol nazionalean.
Ordu batetan Herri kirolen txanda izango da Arriagako gunean. Harrijasotzaileak, lasto altxatzea, ingudea eta beste zenbait erakustaldi izango dira bertara hurbiltzen direnen gozamenerako.
Haurrentzako egitarau berezia egongo da egun osoan zehar. Egurrezko haur jolasak, ipuin kontalaria eta “Printzesa eta futbolaria” antzezlanarekin gozatu ahal izango dute Euskal Herriko haurrek, Bilbora hurbiltzen diren neska mutikoek.
Musikarekin lagunduta, Kalejira bat aterako da arratsaldeko 17:00etan Arriaga plazatik. “Euskal Herritik mundura! Euskal selekzioa / OFIZIALTASUNA” pankartaren atzetik, Bilboko kale artean hedatuko da kirolari, kirolzale eta euskal herritarren deiadarra. Ekitaldi nagusia, kalejiraren ostean izango da; egunari amaiera eman eta datozen hilabeteetan Gu ere bai! Euskal kirolaren aldeko ekimenak egin asmo dituenak aurreratuz, beti ere Euskal Herriko kirolarien alde eta euskal selekzioen ofizialtasuna aldarrikatu eta gauzatzeko bidean.
euskal selekzioa eta ofizialtasuna aldarrikatzeko eguna – Ekainak 26 Bilbo
Zazpi
aldarrikapen
Euskal kirola: Ez dugu kirol bat edo bestea bultzatzen, euskal kirola da gure xedea.
Lurraldetasuna Euskal Herriko zazpi lurraldeetan ari gara, zazpi lurraldeak aintzat hartzen dituen ekimena da gurea, gure aldarrikapena da Euskal Herri osoko kirolari eta kirolzaleona da.
Hizkuntza Euskara da gure marka. Euskarak egiten gaitu euskaldun. Kirola eta hizkuntza.
Berdintasuna Gizon eta emakumeen berdintasuna, parekidetasuna aldarrikatzen dugu kirol munduan ere.
Aniztasuna Aukera berdintasuna, kirolari guztien eskubideak. Normaltasuna helburu.
Ofizialtasuna Euskal selekzioen ofizialtasuna eta nazioarteko lehiaketetan parte hartzeko eskubidearen alde ari gara lanean.
Nazioartekotasuna Euskal Herritik mundura! Hori da gure xedea. Gure kirola, gure kirolariak, gure herria eskubide guztiekin nazioartean aritzeko gabiltza lanean.
Zergaitik Bilbon?
Bilbon aurkeztu genuen GU ERE BAI! Kirol ekimena 2020ko martxoaren 7an, San Mames zelaian. Gero mundu mailako pandemia batek etxealdian sartu gintuen guztiok, baina gure ahalegin guztiak egin ditugu urte osoan gure ekimenak lau haizetara hedatzeko. Guerebai.eus horren lekuko da. Mendi martxak, aldarrikapenak, hitzaldiak, kale agerraldiak, Tourra, omenaldiak, euskal selekzioaren aldeko aldarrikapena eraman dugu futbol estadioetara, frontoietara, soinean, bihotzean. Euskal Herritik ahal izan dugun txokora.
2020. urtean lehenbizi eta 2021. urtean gero Eurokopa Bilbon jokatzekoa zen. Gu ere bai! Ekimenak, euskal selekzioen aldeko aldarrikapena egin asmo zuen nazioarteko lehiaketa honen karietara. Eurokopa ez da Bilbon jokatuko, baina gure aldarrikapenak hor dirau, besteak beste Futboleko euskal selekzioa ez delako arituko nazioarteko lehiaketa horretan. Guk, gure asmoarekin jarraitzen dugu.
Bilboko udalak, Euskal selekzioen ofizialtasunaren aldeko aldarri eredugarria gauzatu zuen 2021eko martxoko udalbatzarrean. PNV, EH Bildu, PSE eta Elkarrekin Podemos alderdiek bat egin zuten Euskal selekzioen ofizialtasunaren aldarriarekin. Gehiengo haundi horrek, bat egiten du Euskal Herrian dagoen selekzioen aldeko jarrerarekin, eta horregatik Euskal Herriko hiririk populatuenak bide hori hartzea publikoki zoriondu eta eskertu nahi dugu.
Bilboko udalbatzarrak #Ofizialtasuna bultzatu eta kirol federazio guztien lana lagunduko du bide horretan.
29tik 26 zinegotzik bat egingo du #EuskalSelekzioa eta gure aldarrikapenekin.
Aurrera begira | zazpi hilabeteko lana 2020ko abenduan, Euskal Futbol Federazioak Eusko Jaurlaritzaren Kirol zuzendaritzaren sustenguarekin ofizialki eskaera egin zuen FIFA eta UEFAko egoitzetan. Futbolaren eremuan, beste kirol batzuetan bezala euskal selekzioaren ofizialtasuna eta euskaldunon lekua aldarrikatuz. Gu ere bai! Ekimenak bat egin zuen eskaera horrekin, horren alde mintzatu eta kaleratu ginen behin eta berriro, eta urtebeteko epean lanean jarraitzen dugu. Oso garrantzitsua da guretzat egitasmo hori gauzatzea, eta oraindik zazpi hilabete ditugu aurretik, jarritako epemugari erreparatuz, lanean segi eta lorpenak eskuratzeko.
Ilusioa eta gogoa badugu, borondatea nabari da alde guztietatik. Gure jarrera elkarlanarena da, Herri oso baten aldarria delako besteak beste. Instituzioek, kirol erakundeek, kirolariek eta herritarrek bat egin eta Euskal Herritik mundura! gure aldarrikapenak gauzatzeko ordua dela deritzogu.
Euskal SelekzioaBasque Country International women´s cup 2021
Gu ere bai! Euskal selekzioen aldeko kirol ekimena da. 2020ko martxoan San Mamesen aurkeztu genuenetik, manifestua bera eta gure jardunbide guztia norabide horretan landu dugu.
Euskal selekzioa Basque Country International Women´s Cup honetan arituko den honetan, uste dugu une ona dela gure selekzioa animatu eta ofizialtasuna aldarrikatzeko.
Euskal Herrian urte asko daramatzagu euskal selekzioaren aldeko lanean. Jokalariak, klubak, gizarte eragileak, administrazio ezberdinak zeregin horretan batu eta bide orri bat adosten ari gara. Lantzen. Eta emaitza, egiten dugun lanaren ondorio izango da.
Emakumeen kirola, emakumeen selekzioa berdintasunaren alde egiten dugun urrats bakoitzaren ostean etorriko da. Mugimendu feministak ondo erakutsi digu zer lortzeko gai den, eta orain ere emakumeen indarra eta gaitasuna beste behin ere nazioarteko txapelketa honetan ikusiko dugu. Gure kirolarien maila, gure selekzioaren gaitasuna. Gure aukerak baliatzeko gogoa.
Euskal Herritik mundura!
Euskal Herriak selekzio ofiziala izateko eskubidea dauka, munduan beste askok bezala. Txapelketa ofizialetan parte hartu nahi dugu, beste kirol batzuetan egiten dugun bezala. Eta hori lortu arte ez dugu etsiko!
Azaroko mutilen partidan bezala, orain ere ezingo dugu gure aldarria zelaian ozen egin, baina gure etxeetatik ere, euskal selekzioa animatu eta ofizialtasuna, berdintasuna eta lurraldetasuna aldarrikatuko ditugu. Euskal Herritik mundura abiatu nahi dugulako, kirol ezberdinetako euskal selekzioekin batera, gu ere bai!
2023ko Tourra Euskal Herritik abiatuko da, Bilbon irten eta herrialde ezberdinetatik txirrindulariek gure herria gurutzatuko dute.
Guk Herri bat garela erakutsiko dugu, beste behin ere.
Euskal Herrian txirrindularitza maite dugula, eta nazioartean lehiatzeko sekulako kirolariak ditugula pelotoian.
Ikurriña hartuta errepidean egongo gara, txirrindulariak animatu eta gure eskubideen alde aldarrika.
Une historikoak bizitzeko aukera daukagu kirol mailan eta herri bezala. Athletic eta Erreala finala jokatzen, aspaldiko partez. Euskal Finala. Zaleak, kirolzaleak, herritarrak batu eta gogoz animatuko ditugu bi euskal taldeak: herri bat batera! Eta ikurriñak lau haizetara astinduko ditugu, balkoietan erakusteko unea iritsi da, nor garen eta zer nahi dugun adierazteko.
Euskal Finala, derbia eta zerbait gehiago
Gu ere bai! ekimenak Athletic eta Errealaren arteko finalaren harira, hainbat ekimen jarri ditu martxan:
Ikurriñak Azken asteotan hiriburuetan eta hainbat herritan ikurriñak saldu eta balkoietan jartzeari ekin diogu. Euskal Finalari kutsu aldarrikatzailea gehituz. Herri bat batera! kirol munduan ere.
Wikiderbia Euskal wikilarien elkartearekin batera, Wikipedian Athletic eta Errealari buruzko edukien lehiaketa antolatu dugu. Anaitasunetik, ahizpatasunetik euskarazko edukiak sortuz sarean, gure historia ezagutaraziz, jendearen partehartzea sustatuz. Sarean ere, kirolaren mundua erakutsiz; munduari gure kirolarien berri emanez.
Euskal Liga 21 Iaz bezala aurten ere bideojokoen lehiaketa antolatu dugu. Fifa21 baliatuz, bost euskal taldeen ligari ekin genion duela aste batzuk, eta apirilaren 4ean, Aberri Egunarekin finala jokatuko da zuzenean Hamaika telebistan.
Apirilean bertan kirol ekitaldi garrantzitsu gehiago ere izango dira gure artean. Euskal Herriko Itzulia ospatuko da Araba, Bizkaia eta Gipuzkoako errepideetan txirrindularitzan.
Emakume futbobolarien Euskal Selekzioak ere, nazioarteko partidetan neurtzeko aukera izango du. Emakumeen kirola ikusgarriagoa egin, Ofizialtasuna aldarrikatzeko une egokia, beste behin.
Eta Athletic-ek beste final bat jokatuko du Bartzelonaren kontra. Herri bat garela erakusteko parada izango dugu, dudarik gabe. Horretan ari gara, eta horretan gogotsu jarraituko dugu.
Futbol txapelketa birtuala ofizialki San Mamesen aurkeztu dugu GAME ERAUNTSIA eta Hamaika Tebesistarekin batera.
FIFA21 Euskal Ligaren antolatzaileak, Gu Ere Bai! ekimena, Hamaika Telebista eta Game Erauntsia Elkartea Bilbon batu gara ofizialki EUSKAL LIGA aurkezteko. Bilboko San Mames estadioa izan zen aurkezpena egiteko aukeratutako lekua, euskal selekzioak partido asko jokatu duen lekua hain zuzen ere.
Hiru antolatzaileen ordezkariak bildu ginen txapelketaren nondik-norakoak azaltzeko. Gu ere Bai! ekimenaren ordezkaria, Patxi Gaztelumendik,
bideo-jokoak ere gure selekzioek nazioartean parte hartzeko duten
eskubidea aldarrikatzeko baliagarriak direla azpimarratu zuen. Game Erauntsiaren partetik, Garikoitz Larrañaga izan zen. FIFA21 Euskal Liga euskara eta bideo-jokoak uztartzeko aukera bikaina dela adierazi zuen.
Ainhoa Jauregi, Hamaika Telebistaren
ordezkari bezala, txapelketaren finala zuzenean jarraitzeko bide anitz
eskainiko dituztela zehaztu zuen, LTD Lurreko Telebista Digitalaren
bidez, Euskalteleko Telebista zerbitzuaren bidez eta webgunetik. Horiekin batera, finala kontatuko duten Olatz Foruria eta Beñat Zarrabeitia kazetariak ere egon ziren aurkezpenean.
Abian da #EuskalLiga21!⚽@guerebai eta @Gamerauntsia|rekin elkarlanean, FIFA21 Euskal Liga antolatu dugu aurten ere, eta izena emateko epea irekita dago otsailaren 25era arte.
Izen-emateak
otsailaren 25erarte irekita daude. Norgehiagokak martxoan zehar izango dira eta finala apirilaren 4ean jokatuko da. Asmoa Hamaika Telebistaren Bilboko egoitzan finala antolatzea da, osasun egoeraren arabera bideragarria bada.
Txapelketaren izen ematea otsailaren 25erarte irekita dago. Finala apirilaren 4an izango da, Aberri egunean
Gu ere Bai! ekimenak eta Hamaika Telebistak Game Erauntsia Elkartearekin bat egin dute FIFA21 Euskal Liga bigarren aldiz eskaintzeko. Martxoan zehar gauzatuko den online txapelketa honen bitartez euskal bideo-jokozaleen komunitateak euskal kirolariak eta euskal selekzioak aldarrikatuko Euskal Herritik mundura.
Euskal Ligan bost euskal futbol taldeak arituko dira: Alaves, Athletic , Eibar, Reala eta Osasuna. Electronic Arts-en bideo-jokoak ez ditu emakumezko taldeak eskaintzen, selekzioak salbuespen.
Finalerdia eta finala zuzenean jarraitu ahal izango dira Hamaika telebistak prestatutako saio berezi batean. Aurtengo berritasun bezala, fase finala Hamaika Telebistaren Bilboko egoitzan jokatuko da.
Emanaldi hau Game Erauntsiaren Twitch kanaletik ere jarraitu ahal izango da.
Finalaren inguruko informazio gehiago hurrengo asteetan zabalduko dugu.
Hamaika Telebistaren emisioa:
LTD Lurreko Telebista Digitaletik jarraitu ahal izango da, Hamaika Telebistaren kanalean.
Txapelketa PlayStation 4 plataformaren bitartez gauzatuko da eta FIFA21 jokoa eta interneteko konexioa beharrezkoak izango dira. Izena emateko azken eguna otsailaren 25a da. Finalaren irabazleak oraindik zehaztu gabeko sari bat eskuratuko du.
Txapelketan jokatu nahi baduzu, lehendabizi Game Erauntsia webgunean izena eman behar da eta ondoren, aktibazio posta elektroniko bat jasoko da (ez bada email hori jasotzen, begiratu SPAM karpeta mesedez). Aktibazioa burutzeko iristen zaizuen estekan klik egin eta honekin webguneko erregistroa amaituko duzue.
Azalpen gehiago behar baduzue bideo honetan dituzue:
Web atarian izen ematea burututakoan, zuen gustuko taldearen txapelketan izena eman behar duzue. Bost txapelketa daude, euskal talde bakoitzeko bana. Jokalari bakoitzak txapelketa bakarrean parte hartu ahal izango du. Hauek dira txapelketa bakoitzeko estekak:
lehenengo fasea (martxoak 1-20) taldeko txanda garatuko da, lehiakide kopuru mugarik gabe.
Bost irabazleek ligaxka bat jokatuko dute (martxoak 22-28) eta lehenengo laurak finalerdietara pasako dira.
Finalerdiak eta finala apirilaren 4an jokatuko dira, Aberri egunarekin bat eginez. Osasun egoera bideragarria bada, Hamaika Telebistaren Bilboko egoitzan jokatuko dira finalerdiak eta finala.
Parte-hartzeko arau guztiak txapelketaren fitxan aurkituko dituzue.
2018ko abenduaren 12ko batzarra egin zenetik bi urtera, Gu ere bai! kirol ekimenak sinadurak batzeari ekin dio sarean. Erantzuna olatu bat bezalako izan da. Bolo bolo mugitu da sareetan, eta dagoeneko 500 lagunek egin dio eskaera Luis Mari Elustondok zuzentzen duen Futbol Federazioari. Futbolariak nagusi diren zerrenda honetan, beste kirolari eta zaletu askok ere bat egin du eskariarekin. Gu ere bai! ekimenak etengabe berrituko du zerrenda hori.
2018ko abenduaren 12an Euskal Futbol Federazioak Durangon egin zuen batzarra eta erabaki garrantzitsuak hartu ziren. Euskal selekzioaren ofizialtasuna eskatzeko urratsak emango zirela eta UEFA eta FIFAri eskaera eskatuko zitzaiola.
Bi urte dira, eta euskal gizartean nagusi da Ofizialtasunaren aldeko jarrera. Euskal Selekzioak Costa Ricaren kontra jokatutako partidan eta osteko adierazpenetan hori nabarmena izan da.
Elustondoren agintaldia amaitzen ari da. Eta Ipuruatik Zuricherako bidea egitea falta zaio Futbol Federazioari.
Gaur, berriz ere, hori eskatu nahi dugu. Eta kirolarien, klubetako kideen, zaleen sinadurak batzen hasi gara. Ofizialtasunaren aldeko urratsak zehatzak eskatzen dizkiogu Luis Mari Elustondori. Hitzetatik ekintzetara pasatzeko eskaera argia.
Exigimos pasos concretos al presidente de la Federación Vasca de Futbol
Han pasado 2 años desde que el 12 de diciembre de 2018 la asamblea general de la Federación Vasca de Futbol / Euskadiko Futbol Federazioa, celebrada en Durango aprobara unánimemente la petición de la oficialidad de la seleccion vasca ante la FIFA y la UEFA.
2 años más tarde, el clamor por la oficialidad es notoria. Tanto en el partido de la Euskal Selekzioa contra Costa Rica como en las posteriores declaraciones de jugadores, entrenadores y afición vasca se ha oido la petición de la oficialidad a lo largo y ancho de nuestro país.
El mandato de Elustondo está llegando a su fín. Seguimos esperando. Y por ese motivo hemos decidido empezar a movernos, queremos generar un clima que favorezca dar esos pasos.
Hemos empezado una recogida de firmas entre clubes, jugadores y jugadoras de futbol, aficionados y deportistas de Euskal Herria. Exigimos pasos concretos, pasar de las palabras a los hechos.
Nous demandons des mesures concrètes au Président de FÉDÉRATION BASQUE DE FOOTBALL
– Ça fait deux ans que l’Asemblée Générale de la Fédération Basque de Football a accepté de demander l’acces aux Fédérations Internationales de Football ( FIFA et UEFA). – Le mandat de M. Elustondo va bientòt finir et nous attendons toujours l’exécution de cette décision. – C’est pour cela que nous avons décidé d’entamer une collecte de signatures parmi les clubs, les joueurs et les joueuses de football, les supporters et les sportifs du Pays Basque.
