Berriak

Euskal herritarrak gara. Euskal Herria da gure nazioa, eta nazio horrek,
Aturritik Ebroraino, zazpi lurralde ditu, baita berezko hizkuntza eta kultura ere.
Herri burujabea izan nahi dugu: burujabetza osoa, euskal herritarroi eragiten
diguten alderdi guztiez erabakitzeko. Ez baikara beste inor baino gehiago,
baina ezta gutxiago ere; bagara, eta munduko beste edozein herriren pare egon
nahi dugu. Horregatik munduan geuk ordezkatzen dugu geure burua, ez beste
inork. Bagarelako.
Horregatik diogu, kirol arloan, nazioartean gu ordezkatzen gaituen selezkio
nazional bakarra Euskal Selekzioa dela. Egunotan Gizonezkoen Munduko
Futbol Txapelketa jokatzen ari da, eta aukera hori aprobetxatu nahi dugu
munduari mezu bat bidaltzeko: hau da gure herria, hau da gure selekzioa, hauek
dira gure koloreak. Geu gara, euskaldunak. Eta euskal herritarrei deia egin nahi
diegu: kalera atera ditzagun gure koloreak eta ordezkatzen gaituzten ikurrak. Ez
dugu beldurrik, ez dugu lotsarik nor garen, zer garen aitortzeko.

Gizonezkoen Munduko Futbol Txapelketa jokatzen ari da eta gure selekzio
nazionalak ez du bertan jokatzeko aukerarik izan: ez diote uzten, ez diote
ofizialtasuna aitortzen. Horregatik, Euskal Herriko eragile sozial, politiko eta
instituzionalei ere dei egin nahi diegu, bakoitzak bere esparrutik edo ahalmen
eta eskumenetatik, bultza dezaten Euskal Selekzioaren ofizialtasuna lortzeko
jauzi bat; jauzi bat, gure selekzioa normaltasunez lehia dadin nazioarteko
txapelketetan, munduko gainerako herrietako beste edozein selekzio bezala.
Bide batez, Euskadiko Futbol Federazioa ofizialtasunaren alde egiten ari den
lana txalotu nahi dugu.
Eta hori kirol guztietan nahi dugu, bai gizonezkoen bai emakumezkoen
kategorietan: izan gaitezen ausartak, izan dezagun anbizioa, aprobetxa dezagun
edozein aukera eta egin dezagun jauzi bat. Eta egin dezagun jauzi hori
herritarrekin batera, milaka eta milaka herritarrek sentitzen dutelako taupada
hau eta prest daudelako ofizialtasunaren bidea sustatzeko.
Bidasoaren bi aldeetan herri bera dago, kirola maite eta grinaz bizi duena eta,
historikoki, kirola gizartea kohesionatzeko eta komunitatea egiteko erabili
duena. Gustuko dugu kirola, gustuko ditugu kirolaren balioak, eta berretsi nahi
dugu jarraituko dugula, kirolaren bidez, herria egiten: herri libre bat egiten.
Beraz, hau da gure sentimendua eta hau da gure hautu politikoa. Ez gara beste
inor baino gehiago, ezta gutxiago ere. Beraz, kalera, gure koloreekin. Kalera,
gure konpromisoarekin. Kalera, Euskal Selekzioaren ofizialtasuna
aldarrikatzera eta gauzatzera. Gure aniztasunetik. Bagare, bagera, bagire,
bagara. Eta deliberatu dugu izaten jarraitzea.
Gora Euskal Selekzioa! Gora Euskal Herria!

EUSKAL SELEKZIOAREN ALDEKO GIZA KATEA DEITU
DUTE UZTAILAREN 14AN, HENDAIA ETA IRUN ARTEKO
ETORBIDEAREN ZUBIAN

Zazpi Baietz, Gu ere Bai! eta Gure Eskuk asteburuan ere mobilizazioak
eta herri-argazkiak egiteko deia egin dute

Zazpi Baietz, Gu ere Bai! eta Gure Esku mugimenduek Euskal Selekzioaren aldeko giza
katea egingo dute, uztailaren 14an, 17:00etan, Hendaia eta Irun arteko Etorbidearen
Zubian, “Gure herria, gure selekzioa, gure koloreak” lelopean. Hiru mugimenduek Euskal
Herriko selekzioaren aldeko hainbat ekimen sustatu dituzte azken asteotan, Munduko
Futbol Txapelketaren testuinguruan, eta indarrak batzea erabaki dute hilaren 14an mezu
argi bat zabaltzeko: nazioa gara, gurea Euskal Selekzioa da eta horiek dira gure koloreak.
Eta leku sinbolikoa aukeratu dute horretarako: Irun eta Hendaia arteko Etorbidearen Zubia.
Izan ere, hiru mugimenduek nabarmendu nahi dute, mugaz gaindi, hemen herri bat
dagoela, Euskal Herria, zazpi lurraldez osatutakoa, berezko hizkuntza eta kultura dituena,
eta herri honek bere selekzioa nazioarteko txapelketetan modu ofizialean lehiatzen ikusi
nahi duela. Ildo beretik, bien bitartean, Euskal Herriko herri eta auzoetan, Euskal
Selekzioaren aldeko mobilizazioak eta herri-argazkiak egiteko deia egin dute.
“Gure selekzioa, emakumezkoena zein gizonezkoena, kirol guztietan modu ofizialean lehia
dadin nahi dugu. Eta uste dugu gizonezkoen Munduko Futbol Txapelketa aukera
ezinhobea dela aldarrikapen hori zein Euskal Selekzioarekiko gure atxikimendua kalera
ateratzeko”, adierazi dute Zazpi Baietz, Gu ere Bai! eta Gure Eskuk. “Beraz, uztailaren
14an, mezu argi eta edonork ulertzeko modukoa zabalduko dugu: Euskal Herrikoak gara,
herri burujabea nahi dugu, eta horrek kirol arloan esan nahi du gure selekzioak munduko
gainerako selekzioekin normaltasunez txapelketa ofizialetan leihatzeko aukera izan behar
duela. Horregatik, herritarrei egunotan Euskal Selekzioaren koloreak kalera ateratzeko eta
eragile sozial, politiko eta instituzionalei ofizialtasunaren bidean jauzi ausarta egiteko dei
egin nahi diegu”, gaineratu dute.
Hiru deitzaileek Euskal Selekzioaren aldeko mobilizazioak eta herri-argazkiak egiteko deia
egin dute azken asteotan, eta deialdiak oihartzun zabala izan du: Algortan, Plentzian,
Portugaleten, Leioan, Basaurin, Errekalden, Gasteizen, Oiartzunen, Donostiako Antigua,
Egia eta Parte Zaharrean, Elgoibarren, Bergaran, Lasarte-Orian, Hendaian eta beste hainbat
lekutan mota horretako ekimenak egin dituzte herritarrek. Datozen egunotan, ildo beretik
jotzeko, Euskal Selekzioari atxikimendua adierazteko mobilizazio eta herri-argazkiak
egiten jarraitzeko eta irudi horiek partekatzeko eta sare sozialetan zabaltzeko deia egin
dute Zazpi Baietz, Gu ere Bai! eta Gure Eskuk.
“Kalera atera gaitezen gure koloreak jantzita, harrotasunez. Ez gara inor baino gehiago,
ezta gutxiago ere: euskal herritarrak gara eta Euskal Selekzioak ordezkatzen gaitu. Eta
uztailaren 14an goazen denok Hendaia eta Irun arteko zubira, Euskal Herriko eta Euskal
Selekzioaren ikur eta elastikoekin, alai eta jai giroan, geure sentimendua eta geure
borondate politikoa adieraztera: gure herria, gure selekzioa, gure koloreak. Bagare, bagera,
bagire, bagara!”, gaineratu dute.

Gu ere bai!, Gure Esku eta Gernika-Palestina plataformek AGERRALDI BATERATUA egin dute azaroaren 1ean, Anoetan Real Sociedad eta Athletic Cluben arteko derbiaren eskutik, Herri Libreak. Euskal Herria-Palestina. Genozidioa STOP! adierazpenaren lehendabiziko atxikimenduak ezagutzera emateko.

Adierazpeneko puntuekin atxikimendua erakusteaz gain, sinatzaileek dei berezia egiten dute azaroaren 15ean, larunbatean, Euskal Selekzioa eta Palestinaren arteko partida dela-eta, Bilbon egingo den Elkartasun Martxan parte hartzeko, arratsaldeko 17:30ean Arriagatik-San Mamesera joango dena.

Arritxu Iribarrek eta Jesus Mari Zamorak adierazpena irakurri dute.

Kirolari sinatzaileei konpromisoa eskertu nahi diegu, guztiok jakin badakigulako kirolak herriak batzeko orduan duen indarra , eta horri esker Europan lehenengo aldiz Palestinako selekzioak jokatuko du.

Guztiak bat datoz herri libreak behar dugula izan, ofizialtasunaren bila gabiltzan eta erabakitzeko eskubiderik gabe gauden honetan eta guztiek dutela buruan genozidioa eteteko beharra.

Zerrenda honetan irakurri daitezke orain arte sinatu dutenen artean lehen izenak.

Gogoratu, adierazpenarekin bat egin daitekela oraindik guerebai.eus atarian.

Kirola, eskubideak eta elkartasuna

Elkartasun-martxa Bilbon azaroaren 15ean

Gure Esku, Gu ere bai! eta Gernika-Palestina Deialdi Herritarra plataformok, Euskal Selekzioak eta Palestinak jokatuko duten nazioarteko partida dela-eta, elkartasun martxa deitu dugu azaroaren 15erako Bilbon, “Herri Libreak. Euskal Herria- Palestina. Genozidioa Stop” lelopean.

Elkartasun-martxa Arriaga Plazatik 17:30ean abiatuko da, San Mameseko Zabaldegian amaitzeko.

Martxa honekin Palestinarekiko elkartasunari ahotsa emateaz gain, herri bioi dagozkigun kirol eta nazio eskubideak, selekzioen ofizialtasuna barne, aldarrikatuko ditugu.

Dei berezi bat egiten diegu eragile guztiei ekimenarekin bat egiteko.
harremanak: komunikazioa@guerebai.eus

Oharra: Datozen egunotan informazio gehiago eskainiko dugu elkartasun-martxa honen inguruan.

Euskal Herria Palestina elkartasun bufanda eskuratzeko, klik egin.

Euskal selekzioen gaia, ofizialtasunarena aktualitate biziko gaiak dira une honetan. Euskal kirolariek nazioartean ofizialki parte hartzeko aukera solasaldi askotako gaia eta mamia da aspaldion. Eta guk ere, euskal kirolaren aldeko herri mugimendu bezala, egoeraren azterketa egin nahi dugu.

Euskal Pilota Federazioak nazioartean parte hartzeko aukera eskuratu zuen duela gutxi, eta Gernikan nazioarteko jai alai nazioen liga ospatu da berriki. Ofizialki gure koloreekin parte hartu dute euskal kirolariek. Urrats garrantzitsua izan da. Eta arrakastatsua suertatu da alde guztietatik begiratuta: antolaketa mailan, joko mailan, lorpenak eta herritarron bizipena. Betekada Gernikako Jai Alai frontoian, ikus entzule ugari euskal hedabideetan, eta gure selekzioaren errealitatea isladatuta geratu da.

Kezkak eta zalantzak
Normala den bezala, kezka ugari ere sortu dira: lurraldetasuna, TAS afera, Espainiaren jarrera… denetarik izan da. Eta kezka hoiek, eta sortu diren aukerak jendaurrean hitz egin, eta bidea elkarrekin marraztea da GU ERE BAI! kirol ekimenaren asmoa.

Hitzordu garrantzitsua Durangon
Horretarako, datorren ekainaren 19an, solasaldi irekia antolatu dugu Durangon. Euskal kirol ezberdinetako federazioetako kideak izango dira gure artean, Gu ere bai! mugimenduko partaideak, kirolariak, kirol arduradunak. Eta zuk ere parte hartzea nahi genuke, zatoz datorren ostean Durangoko San Agustin kulturgunera.

Parte hartzeko izen ematea zabalik.

Euskal Pilota Selekzioak lortu du ofizialtasuna, eta Gernikako Jai Alai frontoian egin du debuta. Zorionak bide horretan bidaide izan diren guzti guztiei. Urteetako borroka izan da, eta nazioarteko bulegoetan, gure frontoi eta klubetan, federazioetan, erakunde politikoetan… guztietan lan eginez, eta helburuak argi izanez lortzen dira emaitzak.
Euskal kirolarentzat adibide eta eredu da euskal pilota. Eta bide horretan jarraitu behar genuke.

La iniciativa deportiva GU ERE BAI! quiere expresar su opinión sobre el partido Euskal Selekzioa-Uruguay organizado por la Federación Vasca de Fútbol para el próximo 23 de marzo:

1- Han pasado casi cuatro años sin ver a la selección vasca de fútbol en el campo y esto ha sido muy perjudicial, entre otras cosas, en el plano de la oficialidad. Por eso tomamos el amistoso contra Uruguay con esperanza , porque será un punto de inflexión, por el nivel del rival y también por la presencia de los técnicos Jagoba Arrasate y Marcelo Bielsa, muy apreciados en Euskal Herria.

2- En este sentido, convocamos a todos los agentes que trabajan en favor de la selección vascniendo en cuenta la repercusión internacional que puede tener este partido, es una oportunidad única para declarar que somos un pueblo y que queremos competir oficialmente con el resto.

3- Sin embargo, este apoyo no ha llegado de manos de los organizadores, porque uno de los principales responsables del vacío mencionado anteriormente es la Federación Vasca a y, sobre todo, para los diferentes estamentos (deportistas, aficionados, dirigentes de clubes, representantes institucionales, partidos y sindicatos, etc.) a que vengan a San Mamés el día 23 de marzo. Como ya ocurrió cuando el TOUR 2023 en Euskal Herria, y tede Fútbol. La Federación ha tenido una franca oportunidad de cumplir los encargos de la asamblea del fútbol vasco de 2018 (que fueron aceptados por unanimidad en Durango), de trabajar el presente y el futuro con los grupos a favor de la oficialidad para llevar a buen puerto el deseo de la afición vasca.Y poder seguir la linea emprendida por la anterior presidencia de la FVF. 

4- Y con ello, además de las responsabilidades internas, es innegable que la Federación Española ha cedido al veto y la prepotencia del mandato de Rubiales, siempre con el apoyo singular de algunos de nuestros dirigentes. La Federación Española es plenamente responsable de nuestra situación, actuando contra la oficialidad de la selección vasca, y poniendo todos los obstáculos y trampas en el camino. 

5- Por eso, volvemos a decirlo, queremos ofrecer todo nuestro apoyo a la selección vasca en la calle y en el campo el próximo 23 de marzo, considerando siempre como imprescindible la seriedad, desde la convocatoria del partido. Al mismo tiempo, ofrecemos a la Federación Vasca de Fútbol y a las instituciones vascas nuestra disposición a cooperar para allanar el camino, como lo hemos demostrado hasta ahora, y pedimos constituir una mesa a favor de la oficialización de la selección vasca ; donde las Federaciones, los representantes de las instituciones, los clubes, representantes de los y las jugadoras de las siete provicincias junto con las asociaciones en favor de la Euskal Selekzioa se reunan para diseñar y trabajar juntos la hoja de ruta hacia la oficialidad.

Gu ere Bai kirol ekimenak  Euskadiko Futbol Federazioak martxoaren 23rako antolatutako Euskal Selekzioa-Uruguai partidari buruzko iritzia jakinarazi nahi du:

1-Ia lau urte pasa dira futboleko euskal selekzioa zelaian ikusi barik eta hori kaltegarria izan da oso, besteak beste, ofizialtasunaren bidean. Horregatik itxaropenez hartzen dugu Uruguairen aurkako lagunartekoa, inflexio puntua izango delakoan, arerioaren mailagatik eta baita Euskal Herrian estimatuak diren Jagoba Arrasate eta Marcelo Bielsa entrenatzaileen presentziagatik beragatik ere.

2-Ildo horretan, euskal selekzioaren eta, batez ere, ofizialtasunaren alde diharduten eragile guztiei (kirolariei, zaleei, klubetako arduradunei, ordezkari instituzionalei, alderdi zein sindikatuei, e.a.) dei egiten diegu hilaren 23an San Mamesera bertara daitezen. Tourrak Euskal Herria zeharkatu zuenean gertatu zen bezala, eta nazioartean partida honek izan dezakeen oihartzuna kontuan hartuta, abagune paregabea da herri bat garela eta gainerakoekin batera ofizialki lehiatu nahi dugula aldarrikatzeko.

3-Hala eta guztiz ere, sostengu hori ez da antolatzaileen merezimenduen eskutik heldu, arestian aipaturiko hutsunearen arduradun nagusietako bat Euskadiko Futbol Federazioa delako. Abagune franko izan ditu Federazioak euskal futbolaren 2018ko asanbladaren aginduak (Durangon aho-batez onartu zirenak) betetzeko, ofizialtasunaren aldeko taldeekin oraina eta etorkizuna lantzeko, euskal zaleen nahiak asetzeko eta, finean, aurreko Batzordeak eman zituen urratsei jarraipena emateko.

Aldiz, Federazioak ez ditu aginduak bete, ez du gu bezalako plataformekin eta zaleekin inolako hartu-emanik izan nahi eta nazioartean hasitako bidea zokoratu baino ez du egin, hori bai, inolako azalpenik eman gabe.

4-Eta horrekin batera, etxeko ardurez gain, ukaezina da Espainiar Federazioari bidea eman diola Rubialesen agintaldiko beto eta harropuzkeriari, betiere gure arteko agintari batzuen laguntza paregabearekin. Espainiako Federazioak gure egoeraren ardura osoa dauka ofizialtasunaren aurka jardunez, eta diren traba eta tranpa guztiak jarriaz bidean. 

5-Horregatik, berriro diogu, gure babes osoa eskaini nahi diogu kalean zein zelaian bertan euskal selekzioari martxoaren 23an betiere seriotasuna ezinbestekotzat hartuz, partidako deialditik hasita.
Aldi berean, Euskadiko Futbol Federazioari eta euskal instituzioei eskaintzen diegu lankidetzarako prestasuna bidea egiteko, orain arte erakutsi izan dugun moduan eta euskal selekzioaren ofizialtasunaren aldeko mahaia osatzeko eskatzen dugu; non, Federazioak, instituzioetako ordezkariak, klubak eta jokalariak eta selekzioen aldeko eragileak batuko liratekeen, eta ofizialtasunaren aldeko bide orria elkarrekin diseinatu eta landu.

Euskal Herritik mundura! ofizialtasuna

comunicado GU ERE BAI! (es)

Euskal Selekzioa ✳️ 🇺🇾Uruguay

martxoak 23 San Mames

denok Bilbora! #ofizialtasuna

Euskal Herritik mundura!
✳️🔴⚽️💚🌈🌎https://t.co/cBRRcGWEDB pic.twitter.com/BvptEbwBxj

— gu ere bai! (@guerebai) March 9, 2024