500 futbolari eta kirolarik sinatu dute Ofizialtasunaren aldeko urratsak emateko agiria

2018ko abenduaren 12ko batzarra egin zenetik bi urtera, Gu ere bai! kirol ekimenak sinadurak batzeari ekin dio sarean. Erantzuna olatu bat bezalako izan da. Bolo bolo mugitu da sareetan, eta dagoeneko 500 lagunek egin dio eskaera Luis Mari Elustondok zuzentzen duen Futbol Federazioari.
Futbolariak nagusi diren zerrenda honetan, beste kirolari eta zaletu askok ere bat egin du eskariarekin.
Gu ere bai! ekimenak etengabe berrituko du zerrenda hori.

Zerrenda kontsultagai.
Zorionak eta eskerrik asko guztioi!

[Sinadura bilketa] Ofizialtasunaren aldeko urrats zehatzak eskatzen ditugu

2018ko abenduaren 12an Euskal Futbol Federazioak Durangon egin zuen batzarra eta erabaki garrantzitsuak hartu ziren. Euskal selekzioaren ofizialtasuna eskatzeko urratsak emango zirela eta UEFA eta FIFAri eskaera eskatuko zitzaiola.

Bi urte dira, eta euskal gizartean nagusi da Ofizialtasunaren aldeko jarrera. Euskal Selekzioak Costa Ricaren kontra jokatutako partidan eta osteko adierazpenetan hori nabarmena izan da.

Elustondoren agintaldia amaitzen ari da. Eta Ipuruatik Zuricherako bidea egitea falta zaio Futbol Federazioari.

Gaur, berriz ere, hori eskatu nahi dugu. Eta kirolarien, klubetako kideen, zaleen sinadurak batzen hasi gara. Ofizialtasunaren aldeko urratsak zehatzak eskatzen dizkiogu Luis Mari Elustondori. Hitzetatik ekintzetara pasatzeko eskaera argia.

Ofizialtasunaren aldeko sinadura bilketa (euskaraz)

Exigimos pasos concretos al presidente de la Federación Vasca de Futbol

Han pasado 2 años desde que el 12 de diciembre de 2018 la asamblea general de la Federación Vasca de Futbol / Euskadiko Futbol Federazioa, celebrada en Durango aprobara unánimemente la petición de la oficialidad de la seleccion vasca ante la FIFA y la UEFA.

2 años más tarde, el clamor por la oficialidad es notoria. Tanto en el partido de  la Euskal Selekzioa contra Costa Rica como en las posteriores declaraciones de jugadores, entrenadores y afición vasca se ha oido la petición de la oficialidad a lo largo y ancho de nuestro país.

El mandato de Elustondo está llegando a su fín. Seguimos esperando. Y por ese motivo hemos decidido empezar a movernos, queremos generar un clima que favorezca dar esos pasos.

Hemos empezado una recogida de firmas entre clubes, jugadores y jugadoras de futbol, aficionados y deportistas de Euskal Herria. Exigimos pasos concretos, pasar de las palabras a los hechos.

Recogida de firmas para dar pasos por la oficialidad (es)

Nous demandons des mesures concrètes au Président de FÉDÉRATION BASQUE DE FOOTBALL


– Ça fait deux ans que l’Asemblée Générale de la Fédération Basque de Football a accepté de demander l’acces aux Fédérations Internationales de Football ( FIFA et UEFA).
– Le mandat de M. Elustondo va bientòt finir et nous attendons toujours l’exécution de cette décision.
– C’est pour cela que nous avons décidé d’entamer une collecte de signatures parmi les clubs, les joueurs et les joueuses de football, les supporters et les sportifs du Pays Basque.

Collecte de signatures pour demander des démarches par l’officialité de l’équipe basque

Euskal Herritik mundura, Gu ere bai! ekimenak Euskal Futbol Federazioa babestuko du

Gu ere bai! ekimenak agerraldi publikoa egin du Bilboko Miribilla auzoan, Bizkaia frontoiaren aurrean “Euskal selekzioa ofizialtasuna, Euskal Herritik mundura!” pankartarekin, hain zuzen Euskal selekzioak aurreko astelehenean Ipuruan zelai erdian erakutsi zuen mezu berdinarekin.

Gu ere bai! ekimenak euskal jokalariak zoriondu nahi ditu, Costa Ricaren aurkako partidan 2-1 eko emaitza ezelako garaipen bakarra izan. Etxean Ofizialtasunaren bidean urrats handia eman zuen Euskal Selekzioak, eta orain bigarren zatian gaude. Etxetik, Euskal Futbol Federaziotik nazioarterako urratsa emateko ordua baita.

Alde horretatik, gure babes osoa eskainiko diogu Luis Mari Elustondok zuzentzen duen Federazioari. UEFA eta FIFAn eskaera egiteko gure laguntza guztia izango duela adierazi nahi diogu.

Eraberean, euskal instituzio guztiei eskatu nahi diegu, Futbol selekzioa eta gainontzeko kirolen selekzioen ofizialtasuna emateko orduan. Nazioartean aritzeko eskubidea dugu euskal kirolariok, eta administrazioaren laguntza eta babesa behar beharrezkoa izango da.

Kirolariok gure aldetik, klubetan, federazioetan, herrietan lan horretan jarraituko dugu, eta gaur Bilbon adierazi dugun bezala, herritarren ametsa zelaian euskal selekzioak ikustea da, eta partida horretan ahalik eta ondoen jokatzera goaz, garaipena eskuratu arte.

Bilbon, 2020ko azaroaren 21ean | guerebai.eus komunikazioa@guerebai.eus

Los deportistas y la ciudadanía vasca ofrecen su apoyo a la Federación Vasca de Futbol en su petición de oficialidad ante la FIFA y la UEFA

La iniciativa en favor de la oficialidad de las selecciones vascas GU ERE BAI! ha felicitado esta mañana a los jugadores de la Euskal Selekzioa, por su victoria contra la selección de Costa Rica y por dar la centralidad a la revindicación de la oficialidad de nuestras selecciones.

De la misma manera, mostramos nuestro total apoyo y ayuda a la Federacion Vasca de Fútbol dirigida por Luis María Elustondo, en su camino para conseguir dicha oficialidad, culminando el proceso aprobado por la asamblea general de clubes en diciembre del año 2018. Apoyaremos en todo lo que necesite a Luis Maria Elustondo, que cuente el apoyo de la afición y ciudadanía vasca así como de los 1500 deportistas que hemos firmado el manifiesto < de Gu ere bai!

Pedimos a las instituciones vascas que caminan conjuntamente con la Federación Vasca de Fútbol y resto de disciplinas deportivas en el objetivo de la oficialidad de nuestras selecciones. Entre todos conseguiremos nuestros objetivos.

Gu ere bai! anima a la ciudadanía a seguir apoyando a los deportistas vascos y trabajar para conseguir la oficialidad de nuestras selecciones y poder competir internacionalmente. 

Euskal Herritik mundura!

Ofizialtasuna

Bilbo, 21 de noviembre de 2020 |  guerebai.eus    komunikazioa@guerebai.eus

Euskal selekzioa animatu
ofizialtasuna aldarrikatu

Gu ere bai! Euskal selekzioen aldeko kirol ekimena da.
2020ko martxoan San Mamesen aurkeztu genuenetik, manifestua bera eta gure jardunbide guztia norabide horretan landu dugu.

Euskal selekzioak datorren azaroaren 16an Costa Ricaren kontra jokatuko duen partidaren aurrean, uste dugu une ona dela gure selekzioa animatu eta ofizialtasuna aldarrikatzeko.

Euskal Herrian urte asko daramatzagu euskal selekzioaren aldeko lanean. Jokalariak, klubak, gizarte eragileak, administrazio ezberdinak zeregin horretan batu eta bide orri bat adostu behar dugu.

Euskal Herritik mundura!

Euskal selekzioaren partidu hau, Euskadiko Futbol Federazioak Durangoko batzarrean erabaki historiko bat hartu ostean dator. Bi urte pasa dira, aho batez euskal futbol taldeek UEFA eta FIFA erakundeetan gure selekzioaren ofizialtasuna eskatzea adostu zutenetik. Bi urte igaro dira, baina oraindik nazioartean urrats hori emateko moduan gaude. Nazioartean gure eskaria egiteko garaia da.

Euskal selekzioa maite eta babesten dugunok, zeregin horretan laguntzeko prest gaude. Eta horregatik Futbol federazioari, euskal administrazioari eskaera hori egin, eta bide horretan laguntzeko prest gaudela adierazi nahi dugu.



Euskal Herriak selekzio ofiziala izateko eskubidea dauka, munduan beste askok bezala. Txapelketa ofizialetan parte hartu nahi dugu, beste kirol batzuetan egiten dugun bezala. Eta hori lortu arte ez dugu etsiko!

Aurten ezingo dugu gure aldarria zelaietan ozen egin, baina gure etxeetatik ere, euskal selekzioa animatu eta ofizialtasuna aldarrikatuko dugu. Euskal Herritik mundura abiatu nahi dugulako, euskal selekzio ezberdinekin batera, gu ere bai!

Euskal Herritik mundura! guerebai.eus

[Tourra] Euskal Herria errepidean

Hasi da 2020ko Tourra, eta asteburuan Pirinioetatik igaroko da. Euskaldunok, gure zaletasuna erakutsiko dugu; baina horrez gain, gure aldarrikapenak ere errepidera aterako ditugu.
Mobilizazioz betetako asteburua izango da irailaren 5 eta 6koa Pirinioetan. Soudet gainean herri mugimendu ezberdinek eta euskal zaleok bat egingo dugu.

– Larunbat iluntzean
(irailak 5, 22:30ean) Gure esku mugimenduak FREEDOM hitzak argiztatuko ditugu Kataluniako ANC eta Llum i llibertat elkartearekin batera.



Igande goizean (irailak 6, 9:30ean) bizikleta martxa antolatu du GU ERE BAIk. Zuberoako Montori herritik goizeko 9:30ean abiatu, eta lehenbizi Issarbe gainera igo eta gero Soudetera helduko da euskal txirrindularien martxa, ordu batzuk beranduago Tourrak egingo duen ibilbide beretik.

  • Etapa pasatzean gure ikurrekin animatuko ditugu txirrindulariak.

Adierazpen askatasuna

Aspaldiko partez euskal kirolarion eskubideak ezbaian ikusten ari gara.
Zaharrak berri.

Hizkuntz eskubideak aldarrikatzera irten ginen duela gutxi, euskaraz ganoraz eta naturaltasunez jarduteagatik eta, tamalez, adierazpen askatasuna aldarrikatzera gatoz oraingo honetan, talde-ospakizun batean, mezudun elastiko bat eramateagatik zigor latza jaso baitu Unai Etxebarria futbol jokalariak eta bere lan kontratua eten egin dute logika eta legediaren gainetik.

Eta oraingo honetan ere ezin dugu isilik egon.

Kirolariok gizartearen parte bat garen heinean, gizartearen isla gara eta euskal kirolarion engaiamendua ez da gaurko kontua. Arlo guztietako aldarrikapenetan murgildurik egon gara, kolore guztietakoak eta egoera arras ezberdinetan esango genuke, norberak bere irizpideei eutsiz eta horrela beharko luke etorkizunean, eta horrela nahi dugu guztiontzako, esaterako gure nazio izaera eta berezko hizkuntza aldarrikatzeko, edota elkartasuna adierazteko, Unairen kasuan bezala.

Azken finean elkartasunean dago koxka eta horixe bera helarazi nahi diogu Unai Etxebarria atezainari, ADIERAZPEN ASKATASUNA arlo guztietan eta guztiontzat sasi guztien gainetik.

Getxoko agerraldia hedabideetan

ETBko En Jake saioan

Herritik sortu zinelako maite zaitu herriak

Asko izan gara, Athletic taldean euskaraz bizitzen saiatu izan garen jokalariak. Euskaraz egin ditugu harremanak, euskaraz aritu gara lagunekin, kideekin, langileekin…hedabideekin eta zaletuen aurrean.

Futbolari profesionalak, euskara ere lanerako behar du.
Adierazpenak egiteko, gure sentimenduak adierazteko, jokatzeko, bizitzeko.

Euskara gure hizkuntza da, gure egunerokoa etxean, lagunartean, lanean…

Une berezi batean, jokalari batek talde bati agur esan behar dionean, bihotza eta burua erabili behar ditu. Horrela egin dute Beñat Etxebarria eta Mikel San Josek ere… eta inoiz ez da erreza Athletic bezalako talde bati agur esatea… afizioari, taldekideei, klubari, San Mames eder honi…. eta une horretan barruan sentitzen duzuna adierazten duzu. Eta oroitzapen eder bat euki nahi duzu gogoan, betirako.

Beñat eta Mikelek agur hori euskaraz egin dute, agur ederra izan da, sentimenduz betea, bihotzetik eta buruarekin sortua… eta hunkitu egin gaituzte. Baina batzuk asaldatu egin dira.

Gure aldetik, besarkadarik beroena gure taldekideei, aldagelako lagunei, Athleticeko jokalari hauei. Athleticen kantuak dioen bezala, herritik sortu zinelako, maite zaitu herriak….
Guk ere euskara  bihotzean daramagu, buruarekin  euskaraz pentsatu eta maite dugulako erabiltzen dugu.
Euskaraz bizi gara, gu ere bai.

Eskerrik asko.

Koikili Lertxundi
Igor Gabilondo
Endika Guarrotxena
Aritz Solabarrieta
Luis Prieto
Josu Sarriegi
Aitor Larrazabal
Asier Ormazabal
Tiko
Endika Bordas
Iñigo Velez de Mendizabal
Ritxi Mendiguren

Eba Ferreira
Eli Ibarra

Leire Zabala
Nerea Onaindia

Ainhoa Tirapu
Aitziber Juaristi
Arrate Orueta

Oraindik atxikimendu gehiago jasotzen ari gara komunikazioa@guerebai.eus helbidean. Zerrenda hau handituz joango da, ziurrenik.
Mila esker jokalari eta jokalari ohiei, agertutako prestutasunagatik.

Euskal kirolarien hizkuntz eskubideen alde, Bai euskarari!

Ez da aspaldi GU ERE BAi! ekimena San Mamesen aurkeztu genuela.
Euskal Herriko 1250 kirolari baino gehiagok sinatutako manifestua jendaurrean ezagutzera eman genuen zelaian bertan, martxoan.

Gu ere bai!, euskal kirolaren aldeko ekimen bat da. Gure kirolariak hemen eta munduan euskaldun bezala agertzeko eskubidearen aldeko taldea da. Disziplina ezberdinetan; sokatiran edo txirrindularitzan, errugbian edo mendi lasterketetan, saski baloian eta herri kiroletan, surfean ala futbolean… euskaldun bezala agertu nahi dugu munduaren aurrean. Euskal selekzioen ofizialtasunaren alde lan egiteko sortu dugu. Euskal kirola bultzatzeko. Kirolariak babestu eta klub eta federazioekin batera lan egiteko.

Munduan herri bat erakutsi nahi dugu,
eta gure herrian kirol mundua babestu

Horregatik, kirol mundua eta euskararen arteko lotura oso garrantzitsua iruditzen zaigu. Euskara gure ikurra da. Euskarak egiten gaitu euskaldun, baina hizkuntzak egiten gaitu munduko ere. Zelaian erakutsi nahi dugu hori, kalean bizi nahi dugu euskaraz, entrenamenduetan erabili nahi dugu gure hizkuntza, eta hedabideetan hitz egiten dugu, eta sare sozialetan kontatzen dugu sentitzen duguna. Guk guztiok: kirolariok, kirolzaleok, entrenatzaileok, klubetako kideok, kirol froga ezberdinak antolatzen ditugunok…. mundu bat gara, eta euskaraz bizi nahi dugu. Kirola euskaraz bizi nahi dugu. Bizi dugu eta jarriatuko dugu horretan.

Gaur, San Mamesen elkartu gara gure kirolariei babesa eta elkartasuna adieraztera. Euskararen kontrako erasoak kirol mundura ere heldu dira. Mehatxuak. Jazarpena. Gogoan dugu Gaizka Garitanok, bere hizkuntzan ari zelako partida baten osteko adierazpenak eten, altxatu eta prentsaurrekoa utzi zuenekoa. Bere eskubideak urratuak ikusi zituen. eta bere argitasun horrekin, zuzen eta egoki, elegante pentsatzen zuena esan eta jokatu zuen. Eskerrik asko Gaizka, eredu zara, eta hemen gaudenok badakigu.

Asko hunkitu ginen, duela gutxi… zelai honetan bertan Aritz Adurizen agurrean. Athleticen horrenbeste bizipen izan dituen jokalariak, bere agurra euskara hutsez egitea erabaki eta egini egin zuen. Zelai honetan bertan, ahaztezina izango den 2020ko konfinamenduaren ostean, koronabirusaren alarmaren erdian… herri honetan, mundu osoan bezala, egoera oso berezi bat bizi izan dugunean. Zorionak eta eskerrik asko Aritz Aduriz. Ez dugu ahaztuko, beti gogoan izango zaitugu jokalari eta euskaldun bezela.

BAI EUSKARARI

San Mames eta euskara. Futbola, kirola… gure hizkuntza.
1978. urtean San Mames zaharrean burutu zen BAI EUSKARARI jaialdia. Ez ahazteko data eta ospakizuna. Mundu bat batu zen hemen euskararen alde.
Askok gogoratuko duzue gainera, Euskal selekzioak Irlandaren kontra jokatu zuela San Mamesen, Bai euskarari kanpainaren barruan.
Euskal selekzioa eta Irlanda zelaian. Palkoan Garaikoetxea lehendakaria, Bai Euskarari kantuaren egilea izan zen Telesforo Monzon, ikastoletako ordezkariak, Euskaltzaindiako idazkari nagusia…. orduan ere euskal ereserkia ozen entzutea debekatu zuten. Euskaldunok 4 eta 1 irabazi genion Irlandari.

20 urte beranduago, 1998ko abenduan… San Mames, Mendizorrotza, Sadar, Anoeta eta Miarritzeko Agilera estadioetan BAI EUSKARARI ospatu genuen berriz ere. Kirol Estadioak euskararen topagune bilakatu ziren, euskal herriak Bai esan zion Euskarari, bizitzari, etorkizunari….

2020an, San Mamesen, Euskal Herrian, gure zelai eta kirol guneetan, aldageletan, frontoietan, mendietan, itsasoan…. BAI EUSKARARI adierazi nahi dugu. Bai, gure kirolarien hizkuntz eskubideei, BAI adierazpenak euskaraz egiteari, Bai euskaraz entrenatu eta jokatzeari, BAI kirola euskalduntzeari, Bai KIROLA ere euskaraz bizitzeari.

Eskerrik asko gaurkoan hemen batu zareten guztioi, eskerrik asko egun hauetan jokalariei sustengua, babesa, elkartasuna adierazten ari zareten guzti guztiei, sare sozialetan, hedabideetan, lagunarteko solasaldietan… gure hizkuntza bizirik mantetzenko, guk ere Beñat eta Mikelek bezala… burua eta bihotza baliatuko ditugu. Eta euskaraz arituko gara, gu ere bai!

Orain… ekitaldia bukatzeko… kirolean euskaraz ari diren, aritzen diren, aritu nahi duten guztien alde… txalo zaparrada haundi bat egingo dugu, hemen San Mamesen… eta mundu guztiaren aurrean.

Gora euskal kirolariak!!

Gora gure hizkuntza den euskara!

Gora Euskal Herria!!

Kirolarien hizkuntz eskubideen alde

Beñat Etxebarria eta Mikel Sanjose Athletic-eko jokalarien azken mezua euskaraz izan dela eta beraien kontrako irainen kanpaina hasi dute batzuek.

Ostiral honetan kirolarien hizkuntza eskubideen aldeko agerraldia egingo dugu San Mames aurrean. Euskaltzaleak, kirolzaleak gure jokalarien alde agertuko gara. Euskararen aldeko mezuekin, ahoa maskarillarekin estalita eta ikurriñarekin.

Euskarari erasorik ez!
Kirolean ere euskaraz bizi nahi dugu!

Guztiok gonbidatuta zaudete.

uztailak 3 ostirala
Eguerdiko 12:00etan
San Mames estadioaren aurrean

Euskal Espedizioa Arraten berriz omentzen, 40 urte beranduago

Duela 40 urte, Everesteko gailurra egin ostean, Euskal Espedizioa omendu zuten Arraten (Eibar). Kalamua mendira igo eta gero ekitaldia egin zuten Eibarreko toki eder honetan.
Everest gogoratu eta orduko irudiak eta afitxak eskuratu ditugu. Eta aurten ere antzeko omenaldi bat egitea pentsatu du Gu ere bai! ekimena, inguruko mendizaleekin batera.

Everest 1980 – Mendigoizaleei omenaldia – Euskal Espedizioa

Horregatik, uztailaren 5ean (igandea) Arratetik Kalamua mendira joango gara, duela 40 urte egin zuten antzeko egitarauarekin.

Goizeko 9etan Arrate gainean hitzordua

10:00etan Kalamua mendi tontorrean (leku ezberdinetatik abiatuta).

13:00etan Arraten ekitaldia eta omenaldi herritarra 1980ko Euskal Espedizioari.